Tuesday, November 29, 2011

الاحتواء

تعرف إيه عن الاحتواء ؟ إيه هوة الاحتواء ؟ اشمعنى الاحتواء ؟

ليه كل واحدة بتدور في حياتها على الاحتواء ؟

له هيا دي الكلمة المظبوطة لتعريف حد يملا حياة واحدة ؟

ليه مش مجرد واحد يفهم ،واحد يقدر ، واحد يحب ، واحد يسمع ، واحد يحس ، واحد يشوف و يتعاطف و يشارك و يملا فراغ و مكان محدش تاني ممكن يملاه !!

واحد يحتوي !! في السراء والضراء ! في الزعل والفرح ! في كل حاجة !

يحتوي ؛ يعني ياخدها كدة كلها جواه و يقفل عليها تماماً ! برموش عنيه ! مش قافلة من نوع تاني ! ياخدها بافكارها بمشاعرها بهابلها بسذاجتها ، بذكائها بفطرتها ، بيطيبتها، بنرفزتها ؛ بحنيتها ؛ بقرفها ؛ و فوق كدة بحلاوتها .

كل دة يحطه في عينيه و يقفل عليه ؛ زي بظبط الام لما بتشييل الجنين جواها ؛ و تحرس عليه ؛ و لما يجي الدنيا بتشييلوه في عينيها ؛ و تخاف عليه من الهوا ! و مهما عمل فييها شايلة جوا عينيها ! ولا حبه في يوم يقل ولا ينقص ! بالعكس يزييد مع كل ثانية و كل دقيقة ؛ و يكبر هوة و يزييد ديماً حبه في قلبها .

هتقولي بس دة حاجة و دة حاجة ! حب الإبن غير حب واحدة ! و ليه لأ ! ليه مش زيو ! له محبش حد بيحبني كدة ! و أحط في عينيا و هوة يحوطني في عينيه ! له لأ !

إيه الصعوبة إذا لو اتفقنا إن احنا لبعض إن احنا نعمل كدة ! نحتوي بعض ! الكلام للست والراجل. بس أنا عارفه ! الستات هيا اللي دايما بتدورً على الاحتواء ؛ و لو وجدته خلاص كأنها ملكة العالم و ما فييه ! لكن الراجل دايماً بيدور على حاجات تانية ! هتقولي احتواء إيه و كلام فاضي إيه ! لكن للاسف الكلام الفاضي دة هوة كل حاجة بالنسبة للمرأة.



وأرجع أقول ! تعرف إيه عن الاحتواء !!!